वि.सं:
नेपाल संवत: ११४४ ञलाथ्व पञ्चमी - ५
प्रशासन शाखाको कार्यहरुः-
१) विभागमा कार्यरत कर्मचारीहरूको अभिलेख अध्यावधिक राख्ने ।
२) कर्मचारी प्रशासन सम्बन्धी कार्य गर्ने ।
३) कार्यालयको सुरक्षा, पालोपहरा, सरसफाई, शौचालय, बागबगैंचाको व्यबस्थापन गर्ने ।
४) कार्यालयको भौतिक सामग्रीहरूको संरक्षण तथा सर्म्वर्द्धन गर्ने ।
५) जिन्सी सामग्री खरीद, आम्दानी तथा लिलाम विक्री सम्बन्धी कार्य गर्ने ।
६) विभागको आवधिक तथा वाषिर्क कार्यक्रम तर्जुमा, कार्यान्वयन, अनुगमन तथा मूल्यांकन एवं प्रतिवेदन तयार गर्ने ।
सूचना विभागको दैनिक प्रशासनिक कार्य महानिर्देशकको नेतृत्वमा सञ्चालन हुने गर्दछ । महानिर्देशक विभागको प्रशासनिक, आर्थिक लगायत अन्य सम्पूर्ण कार्यहरूको जिम्मेवारी वहन गर्दै आफनो कामकर्तव्यका सम्बन्धमा सूचना तथा सञ्चार मन्त्रालयप्रति उत्तरदायी हुनेछन् । विभागका महानिर्देशक र अन्य कर्मचारीहरुले गर्ने कामको कार्य विवरण प्रचलित कानूनमा तोकिएकोमा सोही बमोजिम हुने र सो बाहेकको काम कार्यविवरणमा उल्लेख भए अनुसार हुनेछ ।
कार्यविधि सम्बन्धी अन्य व्यबस्थाः-
१) यस विभागले प्रदान गर्ने सेवाहरू समयमै उपलब्ध हुन नसकेमा वा विभागीय कामकारबाहीमा कुनै गुनासो/सुझाव भए गुनासो सुन्ने अधिकारीसँग सर्म्पर्कराख्न सकिनेछ । लिखितरूपमा उजुरीपेटिकामार्फ आउन चाहेमा सोको समेत व्यवस्था छ ।
२) सेवा पाउनका लागि गरिने सबै किसिमका निवेदनमा नियमानुसार टिकट टाँस गर्नुपर्नेछ ।
३) सम्बन्धित शाखाको कामको जिम्मेवारी सम्बन्धित शाखा अधिकृतलाई तोकिएको छ । यस सम्बन्धमा राजपत्रअनङ्कति कर्मचारी पनि आफ्नो कामप्रति जिम्मेवार हुनेछन् ।
प्रेस शाखाको कार्यहरूः-
प्रेस शाखाले उपलव्ध गराउने सेवाहरूः-
क) पत्रपत्रिका अस्थायी दर्ताको लागि सिफारिश
ख) पत्रपत्रिका स्थायी दर्ताको लागि सिफारिश
सेवा सम्बन्धी विस्तृत कार्यविवरण नागरिक बडापत्रमा उल्लेख छ।